允升甜品

Open Now

Now Closed

我地無留意到門口張告示寫住最低消費唔包糯米糍係我地唔啱，但有個女店員好無禮貌，寸我地唔識字。你好聲好氣同我地講有最低消費，我地都會即刻起身走，畢竟我地無睇到門口告示係我地唔啱，但都唔洗寸我地唔識字。 同埋，我地俾店員鬧完，已經執緊嘢，準備起身去出面食，點知嗰店員都係咁催我地走，但其實我地執左1分鐘都無。唔怪得公眾假期都無人幫襯，店鋪有成15-20個位左右，但得兩個人坐入面。糯米糍唔算好食，粉比較多，同埋糯米皮唔夠煙韌。芒果肉唔夠甜。 長洲有好多地方賣糯米糍，真係唔駛係依間食，我地見其他賣糯米糍嘅地方都排曬長龍，得依間無咩人幫襯，大家就知咩事。 真心建議大家諗清楚好唔好幫襯依間甜品店。