Little Creatures (Closed)

第一次係OpenRice 留言，冇諗過係因為太嬲而唔係因爲餐廳好食。我地一行五個女仔為慶祝生日約左6點係餐廳等。成間餐廳得十台客人，我地前後左右都冇人。個餐廳主要係外籍侍應，得兩個係本地人 waiter。一坐低我地諗住傾下計得齊人先叫野食。點知我地傾左十分鐘都冇，就有一個本地男士waiter, 瘦弱身形戴白色眼鏡，好唔耐煩咁問我地叫得未。我地第一次就好有禮貌咁同佢講我地要等齊人先，朋友黎梗到時再叫。然後佢竟然反我地白眼🙄️再話如果你地唔叫我收翻餐牌架喇😮之後野食到喇，個外籍侍應將碟食物擺左係個餐牌上面。然後同一個香港侍應突然打斷我地傾計話「對唔住喎如果你地唔用呢個餐牌我收埋佢先，因為個餐牌係新印架我唔想整污糟。」!!!!???!!????之後各種反眼同渺嘴。餐飯不停地俾果兩個香港男人打斷，真係不能盡錄。總結。餐廳唔算超級好味，服務態度係我呢廿幾年見過最差嘅一間餐廳。唔好去食，真係貼錢買難受。