Video
Read full review
2008-01-27
24 views
** 此食肆的第十四個笑**今日(27-1-2008 Sun)要落荃灣整o野,於是提議媽到英皇娛樂廣場,經過鳳城攞飛,要等一陣,於是上多一層o黎呢間,即刻有位,不過係搭枱o既,算啦,反正未試過呢間,而且除o左明星外間間價錢應該差唔多.我o地叫o左早市特價點心:1.潮州粉果味道同其他酒樓食開o既有啲唔同,裡面有少少辣椒,但唔係好辣.2.灌湯飽呢個最後試,料就只有豬肉同冬菇,係普通啲,都OK.正價點心:3.牛肉球size略為細個,但味道算濃4.流汁奶黃飽唔係寫流沙,可能知道係整唔到流沙唔想欺騙客人o掛.呢個都幾對版o既,OK.5.煎蝦米腸粉蝦米幾多,煎到有少少脆但冇燶,好好.6.蘿蔔絲酥好多蘿蔔絲o係裡面,但冇咩蘿蔔味,係咪蘿蔔唔靚呢?個酥皮都OK o既.所有食物都好夠熱.環境:雖然係同另外四個客人share一張枱,但大家互相遷就,所以都唔覺張枱太細.(好彩遇到好o既客人)服務:呢o度係填點心紙,侍應收到後,會即刻同客人對係咪點o左咁多個點心,怕漏落嘛,唔錯.侍應同傳菜都好好禮貌.由於點心都係即叫即整,有個傳菜一下子拎四籠食物o黎到,我移開啲o野,佢放o黎時差啲整跌我對筷子,佢都即講句唔好
今日(27-1-2008 Sun)要落荃灣整o野,於是提議媽到英皇娛樂廣場,經過鳳城攞飛,要等一陣,於是上多一層o黎呢間,即刻有位,不過係搭枱o既,算啦,反正未試過呢間,而且除o左明星外間間價錢應該差唔多.
我o地叫o左早市特價點心:
1.潮州粉果
味道同其他酒樓食開o既有啲唔同,裡面有少少辣椒,但唔係好辣.
2.灌湯飽
呢個最後試,料就只有豬肉同冬菇,係普通啲,都OK.
正價點心:
3.牛肉球
size略為細個,但味道算濃
4.流汁奶黃飽
唔係寫流沙,可能知道係整唔到流沙唔想欺騙客人o掛.呢個都幾對版o既,OK.
5.煎蝦米腸粉
蝦米幾多,煎到有少少脆但冇燶,好好.
6.蘿蔔絲酥
好多蘿蔔絲o係裡面,但冇咩蘿蔔味,係咪蘿蔔唔靚呢?個酥皮都OK o既.
所有食物都好夠熱.
環境:
雖然係同另外四個客人share一張枱,但大家互相遷就,所以都唔覺張枱太細.(好彩遇到好o既客人)
服務:
呢o度係填點心紙,侍應收到後,會即刻同客人對係咪點o左咁多個點心,怕漏落嘛,唔錯.
侍應同傳菜都好好禮貌.由於點心都係即叫即整,有個傳菜一下子拎四籠食物o黎到,我移開啲o野,佢放o黎時差啲整跌我對筷子,佢都即講句唔好意思.
侍應亦然,當媽媽食潮州粉果時,發現冇辣椒油而問侍應攞,佢o地即使係好忙都唔會唔記得,而且重好快手拎o黎.
佢o地行唔到入去執埋邊o既o野,而係我面前彎身去執,我當然會讓一讓,然後佢都會講句唔好意思,阻阻你.
當食完晒o野,會問客人係咪食完,而執晒所有o野剩返茶杯o係o度,我明白佢o地只係想執乾淨張枱,而非趕客(因o個時都已經11:40am左右喇)同枱o既客人就同侍應講可以收晒佢o架喇,佢o地都走o架喇,而侍應都答啊,慢慢飲.真係幾好呢.
密密斟水同收o野,亦會主動問埋邊o既客人駛唔駛加水.
價錢: 小點$12.50, 中點$14.50, 大點$16.50.埋單o岩o岩$100.00
既然上年7月7日o係稻香食都畀個笑,呢o度都可以畀個笑o既.
Post