Video
Read full review
2022-09-16
457 views
我真心奉勸大家唔好去呢間王牌冰室食野。第一次嬲到打食評。🙏🏼🙏🏼🙏🏼今日下晝做完野，諗住同媽咪喺附近是但搵間茶記食野，跟住見到呢間王牌冰室就走左入去。入到去見到好多人排隊叫外賣，啲侍應都唔得閒理我地。有一個男侍應遞住餸咁行過黎，媽咪就問佢有冇兩位。點知個侍應好快咁走左，仲細細聲講：「自己睇啦，見唔到冇位咩？」佢講嗰陣我喺佢隔離，但係佢可能以為我聽唔到。咁好啦，我地咪睇下有冇得㩒飛，見到門口部ipad以為有得㩒飛，點知都係冇。咁啱有個女侍應出完餐走番過去廚房，跟住佢撞到媽咪，對唔住都冇聲就走左。嗰陣我已經覺得有少少㷫。後來有一枱人走左，冇人收枱上面既野食。我地見冇人招呼我地咪坐低左。有另一個女侍應走埋黎，問我地係咪叫左乜乜乜餐同埋紅豆冰，我地話：「我地冇啊，我地係啱啱坐低。」個女侍應即刻好大反應就話：「未收枱做咩坐低啊？」我地心諗：未收得切枱係咪應該係你地既問題啊？個女侍應一路收碟一路不斷重複問嗰問題，跟住個女侍應就躁底叫我地排隊等多陣啦。呢個時候我已經想鬧個侍應，好彩媽咪叫住我話不如去另一間食，所以最後我地就嬲爆爆走，離開左間茶記去搵第二間食。其實我都明白午飯時段餐廳係比較忙啲，但係咪
今日下晝做完野，諗住同媽咪喺附近是但搵間茶記食野，跟住見到呢間王牌冰室就走左入去。
入到去見到好多人排隊叫外賣，啲侍應都唔得閒理我地。有一個男侍應遞住餸咁行過黎，媽咪就問佢有冇兩位。點知個侍應好快咁走左，仲細細聲講：「自己睇啦，見唔到冇位咩？」佢講嗰陣我喺佢隔離，但係佢可能以為我聽唔到。咁好啦，我地咪睇下有冇得㩒飛，見到門口部ipad以為有得㩒飛，點知都係冇。咁啱有個女侍應出完餐走番過去廚房，跟住佢撞到媽咪，對唔住都冇聲就走左。嗰陣我已經覺得有少少㷫。
後來有一枱人走左，冇人收枱上面既野食。我地見冇人招呼我地咪坐低左。有另一個女侍應走埋黎，問我地係咪叫左乜乜乜餐同埋紅豆冰，我地話：「我地冇啊，我地係啱啱坐低。」個女侍應即刻好大反應就話：「未收枱做咩坐低啊？」我地心諗：未收得切枱係咪應該係你地既問題啊？個女侍應一路收碟一路不斷重複問嗰問題，跟住個女侍應就躁底叫我地排隊等多陣啦。呢個時候我已經想鬧個侍應，好彩媽咪叫住我話不如去另一間食，所以最後我地就嬲爆爆走，離開左間茶記去搵第二間食。
其實我都明白午飯時段餐廳係比較忙啲，但係咪都唔應該對住啲客發脾氣呢？撞到人對唔住都冇聲，而且都唔係得一個侍應對住我地發脾氣。我地都其實好聲好氣咁講野，但係得出黎既結果係咁差既服務態度。無論野食有幾好食，如果繼續用呢個態度對住啲客，我諗大家都唔會想喺呢度食。
Post