Video
Read full review
2021-09-26
262 views
星期六同朋友去yoho聚會本來打算去新麻蒲食 但無奈去到見到維修中咁咪行去對面Green Waffle睇下menu跟住就見到啲野食都幾吸引下 咁咪入去試下Brunch Set Menu樣樣都好吸引 同朋友傾完今次先試個軟殼蟹意粉同個沙律 下次先再試另外2樣但係！我地不停舉手都冇人理我地有個灰色衫既侍應經過我地幾次都冇理過我地靜係識企係門口到 但明明都已經冇人係門口到😓我唔知係咪新黎唔識落單定點啦但如果真係唔識係咪應該即刻搵其他同事幫我地？你地又話用餐時間得90分鐘 我靜係等人黎落單都哂左唔少時間好啦 等多一陣我估係餐廳經理黎 因為見得佢一個係著裇衫佢埋到黎就晒眉頭咁 同佢落單佢又表現到好唔耐煩咁我明白星期六係會好忙 但你係從事服務性行業 係咪點都俾翻少少尊重我地？到之後好彩啲野食都好有效率好快上到枱俾我地用膳 2樣食物都好好食 唔係靜係得個賣相 都真係值得一試既到事後同其他朋友討厭翻原來都有朋友黎過幫襯朋友話上次叫左個All day breakfast朋友係個重口味既人黎 諗住唔夠鹹想落啲鹽點知一倒個蓋甩咗出黎 啲鹽就倒左好多咁咪搵經理幫助 點知個經理既解決方法竟然係就咁整走啲鹽 而唔
本來打算去新麻蒲食 但無奈去到見到維修中
咁咪行去對面Green Waffle睇下menu
跟住就見到啲野食都幾吸引下 咁咪入去試下
Brunch Set Menu樣樣都好吸引
同朋友傾完今次先試個軟殼蟹意粉同個沙律 下次先再試另外2樣
但係！我地不停舉手都冇人理我地
有個灰色衫既侍應經過我地幾次都冇理過我地
靜係識企係門口到 但明明都已經冇人係門口到😓
我唔知係咪新黎唔識落單定點啦
但如果真係唔識係咪應該即刻搵其他同事幫我地？
你地又話用餐時間得90分鐘 我靜係等人黎落單都哂左唔少時間
好啦 等多一陣我估係餐廳經理黎 因為見得佢一個係著裇衫
佢埋到黎就晒眉頭咁 同佢落單佢又表現到好唔耐煩咁
我明白星期六係會好忙 但你係從事服務性行業 係咪點都俾翻少少尊重我地？
到之後好彩啲野食都好有效率好快上到枱俾我地用膳
2樣食物都好好食 唔係靜係得個賣相 都真係值得一試既
到事後同其他朋友討厭翻原來都有朋友黎過幫襯
朋友話上次叫左個All day breakfast
朋友係個重口味既人黎 諗住唔夠鹹想落啲鹽
點知一倒個蓋甩咗出黎 啲鹽就倒左好多
咁咪搵經理幫助 點知個經理既解決方法竟然係就咁整走啲鹽 而唔係打算換過份俾朋友
朋友仲話經理係叫Paul 但我就唔太肯定係咪同一個人黎 因為我冇問過在場既職員
不過我諗都係同一個人黎 因為都係著裇衫同戴眼鏡
聽完之後都令我同朋友覺得絕對唔會再幫襯
野食幾吸引幾好食都冇用 就係俾啲職員扣哂分
Post