想甜嚐甜

Open Now

Now Closed

同朋友一心諗住食甜品，睇openrice 睇到甜品既相都幾靚，就諗住試下。店內有3、4枱都無人，我哋就問佢可唔可以執好張較大啲既二人枱，個女店員就話「唔得，我今晚得兩個人」，然後無尾音地叫我哋兩位坐張細枱。咁我哋都無堅持，見你哋得兩個人，體諒一下（雖然人手安排唔係食客要理既嘢）。咁我哋就坐低睇下食乜，正諗住除低口罩之際，個女店員就以九秒九跑嘅速度衝過黎叫我戴返口罩，我比佢嚇到呆咗。有心有力有時間係咁睇住邊個早咗除口罩，但都唔執枱做好基本嘢。對住啲對答無禮貌又「無服務可言」既店員，為免食到一肚氣，我哋都係起身走人。