芝士面

Open Now

Now Closed

北江商場呢間芝士麵食過好多次，第一次寫食評，食之點左個雞翼芝士麵加大，加一杯凍檸水，好似係$50左右，另外點左碗炸魚柳芝士麵再加一罐汽水（只有可樂或雪碧，無第三個選擇）大約$45左右。雞翼都幾好食，味道算中上，無雪味，至於個麵夠彈牙，火候剛剛好，唔會太琳，至於主角芝士醬都幾有芝士咪，唯獨芝士汁偏少了一點，食碗麵食到大半就唔多夠汁，勉強撈埋碗邊D 汁才食埋碗麵，真係食到個碗乾乾淨淨另外碗魚柳炸得剛剛好，魚柳還Juicy, 唔會太乾，外皮都幾趣，好食。至於飲品最好飲住汽水，其次係檸水，跟以往經驗，佢地D特飲真係普通到唔普通，奶茶就削到唔多掂，檸檬茶個茶底比較喼，飲品真係唔多得至於最經典一定係收錢的老闆娘，經常都係黑口黑麵，粗聲粗氣，講句多謝都唔會，落單講慢D都悔悔氣氣，食左幾年都係咁，可能係人的性格問題，未必關心情差事。