Greyhound Café (國際金融中心) (Closed)

平時openrice我都係睇多唔會比評語，即使中過伏都未試過有想寫既動力，但呢間我忍唔住要比返我既第一個評語！首先服務員態度都係十問九唔應，餐廳內唔算大，而且又唔係真係無人手到要等咁耐。唔明點解舉咁耐手都人應，追單講完之後服務員無回應就走左⋯另外今天發生特別事，服務員收碟時跌親，成個人訓低，我在身旁都被啲汁彈中⋯⋯之後我留意地面都有濕水，環境清潔有待改善。最後我和朋友結帳後走人，行到中途其中一個服務員態度唔好咁講：你地等多陣喇⋯我出埋張單比你地啊⋯起初我以為係想比收據我地，所以我話唔洗喇唔該，之後服務員就話：你地埋左單喇咩，我就話：下 埋左喇，佢就向其他服務員示意，最後都有講唔好意思，不過我都係第一次發生一餐內未經歷過既事。我覺得茶餐廳感覺仲好過呢度，即使在ifc唔代表服務好 食物好。