The Mast’ of Mozzarella & Co. (Closed)

呢間我不推薦，11:30am 去到，餐廳一個客都冇，竟然將我安排坐在倉庫入口位置。撞到我個袋 ，我同佢講，佢竟然安排我坐廁所附近位置，結果我自己揀個位坐。食物一般。叫咗個buffalo cheese salad 個味道都唔錯，本身係想試佢個buffalo cheese, 都算 fresh, 但講真呀，今時今日的香港，呢種服務態度唔要得架，我早咗少少到，行咗一陣間禮頓道，已經見到有成4-5 間吉鋪。本身諗住過來，支持吓小店，但今次就比較失望😞啦。之後我12 點多食完，走的時候，間餐廳都係冇客，除了我，都正常始終未係lunch hour, 但既然係咁就唔好咁對D客啦。一間餐廳，就算係茶餐廳，你唔一定要好靚，但一定要令個客感覺舒服，如果唔係，就算好食，大家都享受唔到。