手作功夫茶 (利東商場一期)

Open Now

Now Closed

同屋企幫襯咗都唔少次，唔計佢等待時間較長，嘢飲其實係尚可的。但服務態度一向都一般，但係最近有一次去了去買飲品嘅時候，見到女店員在忙，所以只是打算走近睇吓飲咩好，然後就聽到女店員講咗一句：等一等吓。我邊點頭邊回應話ok。然後我將我一邊藍牙耳筒除低打算等陣叫嘢飲嘅時候可以聽到店員講乜嘢，連銀包都未拎出嚟，結果就聽到女店員用呼喝嘅聲音大聲講咗一句：等一陣啊！我嗰陣時係俾佢嚇一嚇親，真係唔明白，點解我要受你氣，我淨係除低個耳筒咩都冇講咩都冇做就俾你呼喝，然後啱啱打算走嘅時候另一位男店員就返咗嚟好有禮貌咁幫我點餐。雖然個男店員態度係真係好好，但係因為受到個女店員嘅影響，我應該短時間內都唔會再幫襯，態度真心有待改善。