YOLO (Closed)

環境都算舒適，可惜服務態度真係唔好。星期日下午去左食午餐，叫左2個set lunch:（1）泰式無骨海南雞飯-$69味道一般，飯好乾，但係d雞有骨，唔係無骨，而且d雞肉好實，個味都唔算稱得上係好食既海南雞。（2）椰香青咖喱雞飯-$59咖喱幾香濃，個味道都唔錯，不過偏咸，雞肉的肉質好味過海南雞。食物水準一般，原本都覺得冇咩特別，但食完野有侍應過來收碟，佢望都唔望就單手拎起個海南雞飯托盤，結果碗湯瀉左倒左落我先生身上。但最出奇係個侍應冇反應，望左一眼就繼續清抬上的碟。我先生好大聲講左句「嘩，你整到我」，佢都係繼續執拾，都執完行開左隔左陣之後先拎左張紙巾埋黎就咁放係抬面上就直接行開。我覺得餐廳的服務態度真係有待改善。