松記糖水店

Open Now

Now Closed

今晚食完晚飯，諗住去松記糖水食返碗糖水潤下。早知留返係屋企抖下。入到鋪頭坐低，店員用不屑的眼神將餐牌放在枱上。當我正準備落單嗰陣，有位女士入嚟買外賣。於是店員用「不想理睬」嘅態度同我講：「你等陣。」嗰位女士諗左好耐都未知食乜，企左喺個櫃位前面，又問呢樣係乜，嗰樣係乜，未揸定主意究竟食乜。搞咗好耐，店員都冇理過我曾經叫佢落單嘅事。我嗰刻真係有諗過起身就走。嗰位買外賣嘅女士，隨手攞起放喺我張枱上面嘅餐牌，我先發覺店員其實連餐牌都冇俾過嗰位女士。唔怪得知佢諗左2分鐘，都仲未叫到外賣。等左約差不多2分鐘，我再問店員可以落單未，佢先問我：「你食乜？」請問呢啲係乜嘢服務態度？！如果你哋想去食糖水，就千祈唔好去呢間啦。如果唔係真係好「潤」。