Video
Read full review
2024-02-21
129 views
第一次嬲到要寫食評收左工同老媽大約9:15pm入到去，有個看似後生矮矮哋嘅小姐姐拖緊地，見我哋入左嚟，望住我地指住上面，老媽睇唔明佢個手勢就愕然左一下，之後小姐姐態度不屑地叫我哋上樓上上到去坐低咗，開始叫嘢食，分別叫咗個鐵板黑椒牛柳餐同鐵板羊架餐，因為老媽未諗到飲咩就話一陣間先嗌，侍應當時都話OK冇問題，等咗一陣 首先上咗個白湯，個湯飲落一大浸燶味，算數！牛柳都好快到咗，但係個焗薯係凍既，都算數！老媽叫咗個侍應過嚟打算嗌嘢飲，個侍應話：「我哋9:30截單喎，姐姐」今次真係忍唔到，9:30截單完全沒有事先講明提都無提過，邊個會知你哋9:30截單？再者我哋食晒個牛柳之後個羊架都仲未到，當時叫咗侍應過嚟幫手吹一吹個羊架另外一個頭髮極度嬲優嘅女侍應又話：「下，羊架係耐㗎啦」我話：「要等耐啲點解一開始落單嘅時候又無講？」佢話：「你同幫你落單嗰個講啊嘛！」當時已經嬲到乜都唔想食我話：「你唔識同自己同事溝通？個羊架未整嘅話唔要啦，我哋要埋單走！」佢話：「落咗單又點會未整？」Cls 唔知係咪條女經歷咗啲咩慘事要搵人出氣？我嚟呢度俾錢食飯！要受佢氣！！！另外可能臨近收工，樓面加疑似廚房嘅同事，一邊清潔樓
收左工同老媽大約9:15pm入到去，
有個看似後生矮矮哋嘅小姐姐拖緊地，
見我哋入左嚟，望住我地指住上面，
老媽睇唔明佢個手勢就愕然左一下，
之後小姐姐態度不屑地叫我哋上樓上
上到去坐低咗，開始叫嘢食，
分別叫咗個鐵板黑椒牛柳餐同鐵板羊架餐，
因為老媽未諗到飲咩就話一陣間先嗌，
侍應當時都話OK冇問題，
等咗一陣 首先上咗個白湯，
個湯飲落一大浸燶味，算數！
牛柳都好快到咗，但係個焗薯係凍既，都算數！
老媽叫咗個侍應過嚟打算嗌嘢飲，
個侍應話：「我哋9:30截單喎，姐姐」
今次真係忍唔到，
9:30截單完全沒有事先講明
提都無提過，邊個會知你哋9:30截單？
再者我哋食晒個牛柳之後個羊架都仲未到，
當時叫咗侍應過嚟幫手吹一吹個羊架
另外一個頭髮極度嬲優嘅女侍應又話
：「下，羊架係耐㗎啦」
我話：「要等耐啲點解一開始落單嘅時候又無講？」
佢話：「你同幫你落單嗰個講啊嘛！」
當時已經嬲到乜都唔想食
我話：「你唔識同自己同事溝通？個羊架未整嘅話唔要啦，我哋要埋單走！」
佢話：「落咗單又點會未整？」
Cls 唔知係咪條女經歷咗啲咩慘事要搵人出氣？
我嚟呢度俾錢食飯！要受佢氣！！！
另外可能臨近收工，樓面加疑似廚房嘅同事，
一邊清潔樓面，一邊大大聲聲xxxx,完全當冇客人存在！
我打呢篇食評之前，
見到其他評論好多人都話態度極差，
但眼見完全沒有任何改善！
Post