聯發茶餐廳

Open Now

Now Closed

又話碗有碟話碟, 奶茶好滑, 茶及奶比例一流, 湯粉個湯就好咸, 整體食物質素及味道有點似澳牛, 而服務態度就比澳牛更差, 至少澳牛落單唔會"西面"！今次是初嘗聯發, 當時都冇乜嘢人, 得兩枱人, 我一坐低叫了一聲"唔該"希望點餐, 女待應(稍微胖, 冇戴口罩的一個, 人客埋單會去收錢)當時剛好在我前走過, 在轉身期間比我見倒佢"西面"兼戚嘴, 比我感覺係麻煩咗佢要轉身！行到埋我張枱, 木無表情, 就咁企響度, 連問句食乜嘢都冇。食完後, 我叫另一個女待應落單兩杯凍奶茶外賣, 由于要揸車, 並表明比錢要一個膠袋打包奶茶, 哩個戴口罩女待應後來就攞咗個膠袋放咗響枱面, 幾分鐘後, 西面女待應就已經打包咗兩杯外賣奶茶放響我枱面, 跟手二話不説, 大力扯走已經放響枱個膠袋。嘩！亞嬋, 我欠你好多錢嗎？怪不得咁多人比上食嘢, 香港真仲有冇得救呀？