金滿多餃子店

Open Now

Now Closed

簡要：服務以前一般，而家則極之惡劣以前去過好幾次呢間餐廳，感覺味道、服務、排位中中挺挺，尚可接受。至於而家，店舖換咗新嘅座位格局。由以往有唔少兩至四人嘅中型枱轉咗六人枱，如自己一人或同兩三個朋友食就要經常等位或者迫埋一齊👥。最搞笑就係後一半嘅位日頭唔開，夜晚先畀你坐，因為聲稱要包餃子。即係有個大嘅廚房唔用／朝早有充裕時間唔做，怪唔得知啲客坐得唔安落，仲要間嘢係已經大過附近一兩間嘅餃子店。因此，餐廳嘅空間利用係十分差勁👎。再加上老闆娘啲態度惡劣，一開口就串串共，完全冇任何笑容，叫人換位猶如斥喝，作為客人嘅我十分討厭😤。再講就係冇良心嘅收費，最近佢哋轉枱要收加一，拎水要額外收費（唔係支裝水，係真實嘅一杯水：每杯兩至三蚊）。唔係講笑，真係連大多數同行嘅都未夠膽咁收，你就已經快人一步！有陣時如果想過口／洗杯都硬食呢啲濫收💰！勸喻大家想食得開心就唔好試呢間嘢！以下奉上照片數張。