廚十三老壇酸菜魚 (譽發廣場) (Closed)

帶母親大人去食酸菜魚，一早預約咗，但原來間舖頭係無留座，臨時搬檯，深知不妙。想落單，啲職員好似時運高睇唔到，過咗十分鐘，終於有個正常人睇到嚟幫我哋落單。到上菜嗰陣，因為我哋叫兩盤酸菜魚，其中一盤係加寬粉，於是我問店經理（聽到職員叫佢大家姐）邊盤有寬粉，佢黑住面話寬粉另上，就急急腳咁放低盤無寬粉的酸菜魚。過咗一分鐘，另一盤酸菜魚內有寬粉，😥又話另上，明明就放係盤酸菜魚度。結果要麻煩顧客自行調轉盤酸菜魚，真係幾重㗎。呢個大家姐服務態度真係😂趕客。盤酸菜魚係有魚骨，係呢間分店要小心食。米線就建議有牙力嘅或者想訓練咀嚼能力嘅顧客點選，我就麻麻地啲硬而無味嘅米線。以後都唔會幫襯呢間分店，就算有額外75折優惠都食到一肚氣。