Video
Read full review
2022-10-01
222 views
今日打完針諗住食餐好既下午茶嘆吓，所以諗住搵間好坐啲既茶餐廳啦，最後揀咗奧海城一期既敏華試吓啦！入到去見到得小貓三四隻都已經心知不妙，不過既然入到嚟坐低左咁就算啦。我地三個人叫左三個餐，包括（1）T6-四川榨菜肉絲米粉跟熱華田、（2）冰火碎蛋叉燒三文治跟冰奶茶。同（3）T1-馬來三叔公咖吔多士跟凍鮮奶。等左一陣，四川榨菜肉絲米粉先上，米粉偏硬，榨菜辣之餘仲老到有渣。餐送既兩隻炸雞翼就味道唔錯。後上既所謂冰火碎蛋叉燒三文治味道可以，一試無妨，特色欠奉。冰奶茶一般。等左好耐都未見到而又已經整好既「馬來三叔公咖吔多士」被「放置」喺出貨位遲遲未上檯。我地亦只見有個侍應喺度包外賣包左成五分鐘都未包完。卒之忍唔住「查詢」之際，隔離枱嗰碗沙爹牛麵同抄蛋多士居然上咗我地張枱，我地同個肥肥地既女侍應講，佢仲聲大夾惡話：「24A吖嘛！您地落單㗎喎！」跟住隔離枱對夫婦話：「係我地落㗎！嘩！你哋咁樣周圍擺，啲水口飛晒落碟嘢度，叫人客點食呀！」個肥女侍應繼續大大聲講：「放心！我地有我地既水準要keep！哪！我而家叫佢地整過啦！」跟住佢大大聲同廚房講：「整過一碟出嚟啦！」三「吹」四請叫左幾個侍應，「馬來三叔公咖吔
我地三個人叫左三個餐，包括（1）T6-四川榨菜肉絲米粉跟熱華田、（2）冰火碎蛋叉燒三文治跟冰奶茶。同（3）T1-馬來三叔公咖吔多士跟凍鮮奶。
等左一陣，四川榨菜肉絲米粉先上，米粉偏硬，榨菜辣之餘仲老到有渣。餐送既兩隻炸雞翼就味道唔錯。
後上既所謂冰火碎蛋叉燒三文治味道可以，一試無妨，特色欠奉。冰奶茶一般。
等左好耐都未見到而又已經整好既「馬來三叔公咖吔多士」被「放置」喺出貨位遲遲未上檯。我地亦只見有個侍應喺度包外賣包左成五分鐘都未包完。
卒之忍唔住「查詢」之際，隔離枱嗰碗沙爹牛麵同抄蛋多士居然上咗我地張枱，我地同個肥肥地既女侍應講，佢仲聲大夾惡話：「24A吖嘛！您地落單㗎喎！」跟住隔離枱對夫婦話：「係我地落㗎！嘩！你哋咁樣周圍擺，啲水口飛晒落碟嘢度，叫人客點食呀！」
個肥女侍應繼續大大聲講：「放心！我地有我地既水準要keep！哪！我而家叫佢地整過啦！」跟住佢大大聲同廚房講：「整過一碟出嚟啦！」
三「吹」四請叫左幾個侍應，「馬來三叔公咖吔多士」同凍鮮奶卒之喺兩個侍應手中上枱。。。「馬來三叔公咖吔多士」味道一般。凍鮮奶係維記。
到埋單時，原來隔離叫嗰兩個餐仲未改番去隔離枱（想收我哋$200），於是我地又講一大輪解釋一大輪，仲好似講到係我地攪住佢地咁先肯cancel ，最後盛惠$123。
總括一句，三個字：無下次。
Post