Garrett Popcorn (Closed)

同老公難得可以去APM行下，行行吓就被好香嘅焦糖味吸引着，原來係爆谷嘅香味。我諗起呢一間爆谷原來我之前都食過，冇諗過原來APM都有。第一次喺現場買原來佢係有幾隻味道，因為平時比較少食鹹嘅爆谷所以就問店員想試吓芝士味同牛油味，店員聽到我問可唔可以試嘅時候佢嘅樣好似覺得我係有搞搞震冇幫襯，然後我見到隔離有兩個女仔都係想問佢拎炮谷試味果兩個女仔首先試咗焦糖味，然後問店員試夏威夷果仁焦糖味，店員絕對冇俾任何嘅爆谷佢淨係話其實一樣嘅啫。最後我都係買咗一包焦糖味爆谷大嘅，果然係有好香甜嘅焦糖味好脆嘅爆谷，其實價錢來講又唔算真係太貴，一分錢一分貨。不過真係甜味嘅爆谷好似好味過鹹味，我問咗店員啲爆谷可以保存到幾耐佢同我講佢哋只係着保存一日，所以要盡快食晒佢。但呢一間分店嘅店員態度咁樣我未必會再來買如果係要買我都會喺零一間分店買。