Oliver's Super Sandwiches (Closed)

今日中午我們喺沙田做完嘢之後去咗新城市廣場嘅「Oliver's Super Sandwiches」食中午餐！牛油果·馬蘇里拉芝士·松子仁配意大利香草軟包嘅包質唔算好軟熟，但香草嘅味道過度濃郁，完全掩蓋晒所有材料嘅味道，所以祇係食到香草味！黑椒牛肉·忌廉芝士·愛爾蘭啤酒醬配果仁農夫包嘅牛肉肉質好鬆軟，牛肉味都幾香濃，圍著邊嘅黑椒令到味道更加惹味，但包質就好乾好硬，要好用力咬先可以咬開，至於伴碟嘅沙律菜都幾清甜新鮮！經典公司三文治「全麥方包」嘅份量雖然比旺角新世紀廣場店多，但比較早前嚟沙田店食過嘅少咗啲啲，但都幾新鮮！至於服務態度就比較差，因當時其中一位店員將我們嘅食物送嚟嗰陣，唔小心將啲粟米濃湯倒瀉咗，但佢嘅態度好似覺得唔關佢事咁，仲話叫我們自己去買過另一杯！真係激到我們半死！