Video
Read full review
2023-11-19
2643 views
同屋企人喺觀塘工業區買嘢，未食lunch又唔想去APM，於是喺後街周圍搵吓有咩食，屋企人好鍾意食印度嘢，不過未食過呢一間諗住入去睇吓自助餐有咩食先坐低，個侍應非常之禮貌，仲叫我哋慢慢睇完全冇壓迫感。食物有雞有魚有牛有羊，仲有超入味嘅印度咖喱椰菜花，基本上啲肉質都好林，唔會乾到有渣，重點係佢有啲好似豆腐咁嘅芝士，煙煙韌韌勁好味，仲有啲好似墨魚丸啊魚餅啊嘅餐前小食，不得不提佢有個甜品望落好似糖不甩，內裏有啲好似西米露嘅餡，甜甜地好好味好細粒。嘢飲方面特飲竟然免費升級，有我哋超鍾意嘅Mango lasi，即叫即整佢勁有心機，加咗幾粒香料係上面。另外沙律吧仲有芝士同火腿，仲有好多蛋糕仔，同埋忌廉湯，食印度嘢食悶左，都有普通西餐配搭返。最後一定要講，佢送咗一個小食，脆卜卜入邊有好似Salad嘅餡，唔會油膩，最重要就係有埋印度薄餅，食咖喱又點少得Naan，煎得啱啱好平時嗰啲餐廳好焦，佢唔會好多黑色焦，如果再厚啲就Perfect。Yummy yummy! 附上圖片♥️😋
食物有雞有魚有牛有羊，仲有超入味嘅印度咖喱椰菜花，基本上啲肉質都好林，唔會乾到有渣，重點係佢有啲好似豆腐咁嘅芝士，煙煙韌韌勁好味，仲有啲好似墨魚丸啊魚餅啊嘅餐前小食，不得不提佢有個甜品望落好似糖不甩，內裏有啲好似西米露嘅餡，甜甜地好好味好細粒。
嘢飲方面特飲竟然免費升級，有我哋超鍾意嘅Mango lasi，即叫即整佢勁有心機，加咗幾粒香料係上面。
另外沙律吧仲有芝士同火腿，仲有好多蛋糕仔，同埋忌廉湯，食印度嘢食悶左，都有普通西餐配搭返。
最後一定要講，佢送咗一個小食，脆卜卜入邊有好似Salad嘅餡，唔會油膩，最重要就係有埋印度薄餅，食咖喱又點少得Naan，煎得啱啱好平時嗰啲餐廳好焦，佢唔會好多黑色焦，如果再厚啲就Perfect。
Yummy yummy! 附上圖片♥️😋
Post
