木子甜品

Open Now

Now Closed

其實門口接待果位男仔態度都ok既，最大問題係，我地落order既時候，有位女侍應態度極惡劣我地成班朋友六個人，咁其中一位女性朋友點餐先，咁正常都係直接講糖水名架啦。點知個女侍應一句彈埋黎「講NUMBER！」而且佢仲要係黑口黑面既，當堂成班都呆哂。講number冇問題，可以友善d既其實。到糖水送埋黎，都係個女侍應送過黎，佢就咁擺低唔出聲就走左去，又係黑口黑面，我即刻叫住佢，問佢係咩糖水，佢答我糖水名，come on james, 我再問佢咩number? 佢即刻黑哂面轉身走，佢要求我地落單講number，我地其實都想知佢送黎既糖水係咪岩number囉其實。我不停叫住佢，點知佢越叫越走搵第二個黎解圍。其實做人就唔洗去到咁盡既，係咪d客唔出聲代表可以比你侮辱啊？又要威又要戴頭盔。整體糖水就一般，不過以呢個價錢黎計都可以接受既。不過都唔會再黎，我係黎消費，唔係比錢買難受。