峇峇娘惹 (MOSTown新港城中心(4期)) (Closed)

入去食下午茶，一入去見到有張卡位有人走咗，正想坐落去。點知執枱嘅店員好大聲咁話唔好坐落去，我未執枱，唔係啲湯倒晒落你度。真係莫名其妙，坐落去就會將啲嘢倒晒落個客人度？跟住仲好大聲咁話你企喺度等。喺嗰一刻我心諗使唔使咁大聲？其實我只係企喺你隔籬，唔使咁大聲我都聽到你講乜嘢。當刻佢講嘢嘅聲量，基本上全間餐廳啲人都望過嚟咁際。我只係一個斯斯文文行入嚟見到張枱走咗，正想坐落去嘅客人…雖然呢啲平價嘅餐廳都唔抱期望會服務好好，但係至少可以細細聲講叫客人等等。由於餐廳唔大，所以見到隔離有另一張枱，我哋就坐低等店員執完枱先坐過去。點知等了又等，到最後佢竟然將張枱俾咗其他人。