媽子美點

Open Now

Now Closed

佢哋嘅服務態度已經唔係好好㗎啦。今日去嗰度買一個鳳爪排骨飯同埋叉燒腸，跟住挨到嘅時候我見到有個阿叔衝咗出去攞，咁我就要係佢先嘅點知等咗20分鐘，我男朋友就忍唔住走咗去問點解仲未得嘅？咁啱個阿叔調返轉頭話自己攞錯，之後啲阿姨換都唔換過新嘅俾我哋，俾返阿叔嗰個我哋。真係好唔衛生囉，個餐過咗 20分鐘，都唔知個阿叔有冇食到跟住就對返俾我哋。今次仲要係我第一次去食，我之後都唔會再去嗰度食㗎啦，態度又差做嘢又隨便 ，就算唔係你哋食都可唔可以認真少少？淨係靠口頭嗌，跟住就叫客過嚟攞。連單都冇，點知有冇攞錯餐啊，本身20分鐘前就可以拎返屋企食啦，返到屋企又凍冰冰又唔知，舊飯個阿叔有冇食過，啲阿姨仲要串。嘥晒我啲錢最後拎晒去抌，真係對依間嘢極度失望。