八方雲集鍋貼水餃專門店

Open Now

Now Closed

首先一入鋪，見到檯底有食物殘渣都無人清理，同友人決定轉另一張檯，到想搵個員工問下野都等勁耐，有個員工話蚵仔大腸麵線如果走蚵仔加另一樣餸都係16蚊，咁友人叫走蚵仔加魚丸、我就叫個韭菜鍋貼餐。等到員工拎韭菜鍋貼黎,佢話比住5隻先，但係鍋貼可以話完全唔熱，可以話係凍。到友人碗麵線個時，碗野係無魚丸，之後問d員工，佢拎走左張單去check，催左幾次先拎個粒魚丸黎。到食完想埋單，佢地又話我地無左張單，要再填過，到填完之後，佢地又拎到張單黎，一睇張單，見到個1粒魚丸要加5蚊，諗住搵返講唔駛加錢既個位員工出黎，但係又唔見佢，最後快快趣趣埋單走人。因為太憤怒，無check真張單，走左之後先發現佢收多16蚊。不過自已無check清楚又無得怪人。但係間野食物已經麻麻，服務態度仲要非常有問題，所以唔會再去食了。