PizzaExpress (奧海城三期)

Open Now

Now Closed

以前好中意去Pizza Express，中意佢family friendly 食物又唔錯，今次聖誕去，覺得食物種類少，味道亦普通咗。另外呢間分店服務真係唔太得，首先以前係會一支水比你飲，今次唔註冊member 就無一支水，要問先比半杯tap water，其實價錢都唔平，可以大方少少吖。有位侍應仲全程黑面，比錢時我有欠佢錢嘅感覺，可能聖誕要返工真係好唔開心啦😅😅其實呢間分店裝修幾好又坐得舒服，以前都好多人排，但今次感受真係唔太好😓當日食過嘅一啲食物： Margherita pizza - 餅底普通，唔覺得有意大利薄餅應有嘅香脆 焗蘑菇 - 正正常常一客焗蘑菇，得幾隻，屋企自己都焗到。記得以前另一間叫過係用焗盤上，今次只係普通餐碟，感覺 mediocre其實食物無乜大問題，係 expected 嘅水平，不過不失，主要係服務問題。只係網站要求，都要評論一下。