咖喱至尊

Open Now

Now Closed

其實居住大埔已十多年, 除了未到此吃過早餐外, 基本上午餐, 下午茶及晚餐, 堂食, 外賣都試過。先講食品質素, 堂食都幾好, 因為夠熱同大碟, 我本人喜歡較味食物, 所以覺得唔錯。但外賣就麻麻, 因為一來要等好耐, 二來佢地d 面唔知點解總係好林, 行幾步都未番到屋企已經林晒, 好難食, 同埋油好多。至於服務態度.........今時今日咁0既服務態度, 係應該俾隻黑豬啦, 我去買野, 幾位服務員竟然掛住自己傾偈, 仲要傾到我講到第五聲「唔該」先肯落單。而且佢地0既辣味分四級, 不過係落單時佢係唔會提你, 你唔出聲就唔會同你加辣, 但一般稍為有質素0既食肆侍應都會問聲「請問要幾辣」跟住俾個客人揀。至於價錢, 基本上係可接受, 尤其下午茶餐算幾抵食。但騎哩在於外賣, 個餐牌寫上外賣不收費, 但當你買外賣時, 佢又會計埋你個盒, 紙杯d 錢, 咁外賣不收費係咩意思？個侍應無答, 但照樣收番我外賣錢！真係唔知佢地想點！