小王牛肉麵 (Closed)

銅鑼灣,晚飯時間,9成食肆都出現人龍.左搵右搵後,來到小王牛肉麵門前.眼見只有兩三位食客在等候,就決定食呢間.等了兩三分鐘後發現唔太對路.冇飛冇叫號碼, 更重要…冇店員…問一問近門口的收銀員. 得到一句「等陣啦」過了約8-10分鐘後, 前面的食客終於被帶到座位.而我和男友則繼續「等陣啦」期間望入店舖,只不過有7成客.等了差唔多15分鐘,終於有位坐.即刻點菜.點菜後,另一個惡夢又開始…點菜係好似酒樓的點心紙, 我地寫好後有位店員收.仲覆述一次我地點的食物.然後收走點菜紙.過了兩三分鐘, 有另一位店員將點菜紙放返我地枱面.我地就開始等上菜。一直等。一直等。期間見到只有4位店員, 手忙腳亂, 旁邊兩枱都有上錯食物嘅情況。見到咁嘅情況我地再餓都唔好意思催上菜,只有再一直等。一直等。但等了超過半個鐘,忍唔住問一問先知大鑊！「你地都冇落單」？！又覆單又拎走張單,但冇落單？！食物再好食,我都唔敢再幫襯