花園餐廳 (金百利廣場)

Open Now

Now Closed

鍾意食牛扒嘅人正常都聽過花園餐廳呢個名，以往講咗好耐想食但一直無試。當日係銅鑼灣行街睇完展覽，唔知食咩嘅時侯就決定去試下。一入去個場都幾爆，不過好快就有位。侍應會問客人想飲咩湯，除咗忌廉湯仲有紅湯（羅宋湯）選擇。而當晚我唔想食扒之餘變得更熱氣，所以揀忌廉湯懶係中和一下haha。-餐包跟餐仲有個餐包，見住侍應係微波爐叮一叮再拎出去，個感覺都幾搞笑。食落微暖，整體無咩特別。-忌廉湯入口溫熱油潤，湯水比較稀身，如果係更濃稠嘅質地會更理想。忌廉湯入面都有少許蔬菜，口感無咁單寡，會豐富少少。-肉眼牛扒配薯菜牛扒可以揀唔同醬汁，聽到淋落去鐵板個啲聲真係好正。肉質軟嫩易切開，唔會太老或太韌，亦唔會出現咬唔開嘅情況。牛肉味都有，但如果可以更濃郁會仲完美。薯菜經過鐵板烘烤後更加外脆內軟，熱氣都忍唔住食晒佢。另外，服務員嘅態度感覺有點散漫同無禮貌，好趕客，希望可以改善下。