三盞燈澳葡餐廳 (Closed)

同公司班同事約咗星期日，三盞燈食早餐，叫咗個早餐叫“特級厚多士早餐” ，厚多士，炒滑蛋，配餐肉及一杯熱咖啡。上菜速度算很快，而且味道唔錯，厚多士一如以往有牛油烘底，炒蛋夠香滑但唔夠熱，還可接受，餐肉就普通，咖啡亦都是一般普通港式味道。由於本人約同事，他們已到，亦都開緊餐，所以我好快咁舉手叫侍應點菜，幾個女侍應一直睇唔到，我就舉耐少少手，點不知個女侍應最後走埋來講左句：咪嚟緊囉！～態度果然係一如附近街坊間傳聞，服務只有三盞燈。