Video
Read full review
2020-06-18
1348 views
朋友請食生日飯，佢以前食過，話係高質餐廳，所以決定再次光顧。 可能疫症關係，成晚都只係得四五枱客，難得嘅清靜。一入座，店員就會上熱茶同埋熱毛巾，毛巾散發着濃濃嘅消毒味😂有安心嘅感覺。由於餐牌選擇甚多，個個都猶豫不決，所以最後就揀咗一人一個set dinner食😂不過唔記得影低餐牌，所以菜名完全唔記得🙈第一道係開胃嘅漬物，有蘿蔔、昆布、牛蒡等等，酸酸甜甜非常開胃。第二道係刺身，帶子、鮮蝦同鮑魚都好鮮甜，好味😋第三道係一碗昆布湯，味道好淡，相對一般。第四道係天婦羅，有番薯、紫蘇葉、粟米筍同鰻魚， 炸粉唔會太厚，非常酥脆，個鰻魚仲好甜，覺得最好味係呢一道天婦羅！之後到主菜，有魚或者牛選擇，啲牛好高質，可惜份量得五片左右，有少少意猶未盡。朋友就揀咗魚，比較多骨。再之後就係三色壽司，去到呢個階段已經好飽，但呢三件都好鮮甜，最後都有食晒。最後一道菜係雪糕，有豆腐、綠茶同薑汁選擇，我揀咗豆腐味，好香嘅豆味，唔算甜。因為生日，餐廳好好咁送咗焦糖燉蛋做生日蛋糕，好有驚喜而且都好好味😋每一次食完，店員都會好快幫你收拾枱面， 然後上下一道菜，而且好有禮貌，非常欣賞佢哋嘅服務。 呢個晚餐每人六百幾，食七道菜，
一入座，店員就會上熱茶同埋熱毛巾，毛巾散發着濃濃嘅消毒味😂有安心嘅感覺。
由於餐牌選擇甚多，個個都猶豫不決，所以最後就揀咗一人一個set dinner食😂不過唔記得影低餐牌，所以菜名完全唔記得🙈
第一道係開胃嘅漬物，有蘿蔔、昆布、牛蒡等等，酸酸甜甜非常開胃。
第二道係刺身，帶子、鮮蝦同鮑魚都好鮮甜，好味😋
第三道係一碗昆布湯，味道好淡，相對一般。
第四道係天婦羅，有番薯、紫蘇葉、粟米筍同鰻魚， 炸粉唔會太厚，非常酥脆，個鰻魚仲好甜，覺得最好味係呢一道天婦羅！
之後到主菜，有魚或者牛選擇，啲牛好高質，可惜份量得五片左右，有少少意猶未盡。朋友就揀咗魚，比較多骨。
再之後就係三色壽司，去到呢個階段已經好飽，但呢三件都好鮮甜，最後都有食晒。
最後一道菜係雪糕，有豆腐、綠茶同薑汁選擇，我揀咗豆腐味，好香嘅豆味，唔算甜。
因為生日，餐廳好好咁送咗焦糖燉蛋做生日蛋糕，好有驚喜而且都好好味😋
每一次食完，店員都會好快幫你收拾枱面， 然後上下一道菜，而且好有禮貌，非常欣賞佢哋嘅服務。 呢個晚餐每人六百幾，食七道菜，好似份量唔多咁，但係最後都係勁飽離開，好滿足！
Post
