蘇哥清湯腩

Open Now

Now Closed

幾個月前嘅食評唔記得上傳。晚上八點十幾一個人去吃飯，逼人搭檯，我話等下，等到一張二人檯，坐落三分鐘又入咗個人，明明隔離就係空位，逼佢同我搭檯。過多一陣又有兩個食客食完走咗，即刻逼果兩個食客食到一半換位，可以空出一個四人位，跟住對住外面嘅空氣講，四人可以入啦！根本就冇人入嚟。同我搭檯嘅食客都係一肚火，傾起同我講係樓下巴士站嘅司機，呢間咁嘅服務質素根本冇可能有第二次，湯甜得過頭。我都冇可能有第二次，仲有朋友同我反映話食到一半玩下電話成碗米粉被收走。於是，每次行過，見到已經完全唔似開業個陣咁多人，連晚飯時間仲坐唔滿，心裡偷笑。