味工房

Open Now

Now Closed

由於見附近無咩小食店先想試下，當日購買$15 4條腸粉，第一次買，不清楚係咪當落單時需要提出走醬，禮貌地問收銀姐姐，而收銀不耐煩，態度極差表示：咪有全醬，答人態度差都算，而唔聽清楚人地問咩先答，我真係感到無奈。收錢時用八達通付款，我奇怪地見到八達通機上顯示負錢，我準備行開時即睇單，收據金額$90，我即向收銀提出收多錢，收銀態度冷淡，似有點質疑，亦無回覆過我一句，同時廚房出單另一名員工即睇單，向收銀講你收左6份錢，收銀先肯理會，慢慢同輕挑表示：咁咪找$75，一句唔好意思都無，當我無睇清楚價錢拍卡，其實真係有需要用呢種態度對顧客？各位仲想幫襯，請一定要記得睇清楚八達通金額同即時睇收據，而現金找續都要小心。首次寫食評，因此收銀員態度極為趕客，真心為極品員工。