築間幸福鍋物

首先你入到去，掃code叫野食，每15分鐘只可以叫6樣東西，每一碟肉平均就6塊，鹽酥雞跟人頭，就兩塊，所以90分鐘套餐你可以叫4次野；食食下冇理到時間，我地7:45坐低，8:00個鍋底黎，食到9:45有個姐姐行過黎話要買單。佢原話：你地食埋兩條菜就要走，過左時間。我問：係咪俾張卡你？佢話：要走啦就黎關門。我問多次係咪俾卡佢，佢話要出去埋單。ok我地拿拿林吃埋兩條熟左嘅菜，9:50分到reception 埋單。埋單嘅服務員話我地剩太多肉（加埋唔超過5塊，其他野全部都清曬），叫我地坐低食埋先好走。佢語氣平白直接，但俾我感覺我似工人多過似客，叫我起就起叫我坐就坐。然後我話你哋服務員叫我食埋就要走，我話你如果要計錢就計，果5塊肉薄到500蚊100g我都唔使俾50蚊。佢又窒住左唔出聲，岩岩黎食之前我地打過電話問有位先過黎，黎到又係依位服務員話冇位叫我地走，我地話係打左電話確認先過黎，另一個服務員黎到先同佢講有位，然後俾我地坐低食。到最後，佢叫左個男人出黎，木口木面望住我地，聽佢解釋前因後果。黎到依下已經好煩，俾人叫走，俾人叫坐低食埋先可以走，又要留係度聽你地講故仔，個男人又當你地好似無賴咁望住你