Video
Read full review
2010-05-07
9 views
係朗豪坊行完街累累地又肚肚地餓，又係時候搵野食。行到朗豪坊後面見到呢間大形既陳記燒鵝，諗起上次食過另一間都ok，咁就決定入去食野啦。一入到去有卡位坐真係好，佢D位置都幾舒服，好多卡位，而且環境都幾寬敞，算係一個食野唔錯既地方。我地叫了兩個下午茶，分別叫了一個豬扒包，另外叫了一個深井炒飯，兩個餐都有杯飲品跟。先來深井炒飯，係下午茶既份量所以唔係好大碟，不過賣相唔錯。食落飯炒得幾濕潤，唔會話勁乾身，而且味道好香，非常夠味。材料豐富，有好多燒鵝叉燒粒等，所以成個炒飯肉味幾濃，偶然有D菜粒，味道夠鮮，可以中和一下味覺，整個炒飯唔會覺得好油膩，算係幾好食。另外就係豬扒包，由於我地兩個一齊食，所以就算請廚房幫一幫我地切開一半。第一次叫個姐姐佢叫我地自己用個D鐵刀切，不過由於個包幾厚實在太難切，所以我地再叫佢幫手。點知佢竟然當聽唔到完全唔理我地，太過份了吧! 都係切一切姐，又唔係要求佢做D咩，好彩之後有個侍應哥哥肯睬我地。豬扒包相對無咁好食，主要問題出於麵包，個麵包一D都唔脆，食落偏硬感覺似擺左好耐咁。同埋個包係一D味都無，似食緊一舊麵粉入口。豬扒煎得幾香口，但都係淡左少少，無咩肉味。相反佢除左豬扒
一入到去有卡位坐真係好，佢D位置都幾舒服，好多卡位，而且環境都幾寬敞，算係一個食野唔錯既地方。我地叫了兩個下午茶，分別叫了一個豬扒包，另外叫了一個深井炒飯，兩個餐都有杯飲品跟。
先來深井炒飯，係下午茶既份量所以唔係好大碟，不過賣相唔錯。食落飯炒得幾濕潤，唔會話勁乾身，而且味道好香，非常夠味。材料豐富，有好多燒鵝叉燒粒等，所以成個炒飯肉味幾濃，偶然有D菜粒，味道夠鮮，可以中和一下味覺，整個炒飯唔會覺得好油膩，算係幾好食。
另外就係豬扒包，由於我地兩個一齊食，所以就算請廚房幫一幫我地切開一半。第一次叫個姐姐佢叫我地自己用個D鐵刀切，不過由於個包幾厚實在太難切，所以我地再叫佢幫手。點知佢竟然當聽唔到完全唔理我地，太過份了吧! 都係切一切姐，又唔係要求佢做D咩，好彩之後有個侍應哥哥肯睬我地。
豬扒包相對無咁好食，主要問題出於麵包，個麵包一D都唔脆，食落偏硬感覺似擺左好耐咁。同埋個包係一D味都無，似食緊一舊麵粉入口。豬扒煎得幾香口，但都係淡左少少，無咩肉味。相反佢除左豬扒仲有個酸瓜汁就幾好食，酸酸地又有D酸瓜咬下幾有口感，既開胃又惹味。
埋單幾平，$50到，食物都唔差，不過個姐姐太衰，所以都係俾OK面啦。=P
Post
