Video
Read full review
2023-04-30
160 views
自從十下開咗，我就好鍾意呢個地方，所以間唔時都會同同事朋友嚟。一路都覺得食物水準高，咁多年都保持到，而且好鍾意佢嘅懷舊feel，同埋佢非常好服務，D 侍應係一流。十下係我同朋友最鍾意嘅港式邊爐。隔咗一排冇去，有朋友喺外地返嚟特登揀十下敘舊，三個人book咗6:30-8:30pm時段，其實我哋都明白要兩個鐘頭交枱。食緊嘅時候大家好開心，係咁讚啲嘢好食，其中有個做咗好耐嘅男待應服務更加係非常之好，同我哋有傾有講。但係，今晚好早就有待應同我地話last order問使唔使加嘢飲，嗰時都冇為意。點知8:05左右就叫我哋埋單，我哋都諗係咪已經想催我走，不過我都聽話即刻埋左張單。之後8:30 嘅10分鐘前再埋黎話得返10分鐘，我哋三個已經密密食，不過真係食得有啲慢，所以到8:30仲有幾件件嘢係碗，因為我哋唔想浪費食物，真係想食埋先走。跟住非常準時，有個女仔過嚟話你地已經夠時間，我哋應佢ok，諗住咋咋淋塞埋啲嘢入口，點知嗰個女仔一走唔夠幾秒鐘（真係5秒都冇）有另外一個女仔埋嚟重複同一句說話，已經夠時間，於是我哋同佢講我哋食埋好快就走，跟住佢態度非常之差話但係出邊已經有人等緊，跟住我朋友就問可唔可以俾
隔咗一排冇去，有朋友喺外地返嚟特登揀十下敘舊，三個人book咗6:30-8:30pm時段，其實我哋都明白要兩個鐘頭交枱。
食緊嘅時候大家好開心，係咁讚啲嘢好食，其中有個做咗好耐嘅男待應服務更加係非常之好，同我哋有傾有講。
但係，今晚好早就有待應同我地話last order問使唔使加嘢飲，嗰時都冇為意。點知8:05左右就叫我哋埋單，我哋都諗係咪已經想催我走，不過我都聽話即刻埋左張單。
之後8:30 嘅10分鐘前再埋黎話得返10分鐘，我哋三個已經密密食，不過真係食得有啲慢，所以到8:30仲有幾件件嘢係碗，因為我哋唔想浪費食物，真係想食埋先走。
跟住非常準時，有個女仔過嚟話你地已經夠時間，我哋應佢ok，諗住咋咋淋塞埋啲嘢入口，點知嗰個女仔一走唔夠幾秒鐘（真係5秒都冇）有另外一個女仔埋嚟重複同一句說話，已經夠時間，於是我哋同佢講我哋食埋好快就走，跟住佢態度非常之差話但係出邊已經有人等緊，跟住我朋友就問可唔可以俾5分鐘我哋食埋啲嘢，佢話我問吓先，跟住行開咗，轉頭返嚟話ok，5分鐘。嗰刻我哋感覺其實真係好尷尬，因為真係剩低好少嘢，你一望已經知我哋唔會阻幾多時間。之前講嗰個男待應呢個時候仲好好人想埋嚟加湯，我同佢講唔使加啦，佢哋係咁趕我哋走。於是我哋隊左啲嘢入口，煲入邊嗰啲唔要，幾分鐘內就攞袋起身。
點知一擰轉身，發現當時我哋後邊有三張吉枱，係三張同我哋一樣大小嘅四人枱。行到門口一個排隊嘅人都冇，根本冇人等緊枱。等lift嗰陣時我朋友仲成口都係嘢食。嗰一刻真係感覺好差。心諗，使唔使咁，又唔係限時任食火鍋，而係散叫。雖然有分時段，道理喺你度，但冇人等仲有最少三張吉枱都要趕我哋係點解呢？我明白可能有人訂咗8:30，但係咁嘅情況真係要咁逼人走？雖然好鍾意呢間火鍋店，但我諗將來都會有啲卻步，無謂受氣啦。
真係好失望，之前咁多年都保持到嘅服務水準，啲新嘅妹妹仔真係維持唔到。或者都係請返啲好啲嘅侍應。
Post