恆河咖喱屋 (Closed)

呢間咖喱屋幾有名氣，好多名星都會幫襯，一試之下，除咗菜式，最好嘅係香港無咗好耐嘅親初服務。侍應姐姐會介紹好菜式俾客人已經賣少見少，仲會係嚟菜時介紹每道菜食法，負責人亦都細心有禮，抵讚！印度脆片嘅薄荷醬都算係咖哩屋嘅其中一個靈魂，呢度嘅薄荷醬就無啲印度當地嘅薄荷醬咁死咸，適合返香港人口味。呢道菜就係侍應姐姐經介紹嘅蝦膏炒通菜，蝦膏同蒜香非常惹味，仲有啲車厘茄嘅酸味去中和通菜草青味，好用心嘅菜式，其他地方好難食到，果然好介紹。蒜茸烤餅非常鬆軟，麵團發酵時間剛則好！配埋個白咖哩燴牛利，無敵！白咖喱燴牛利燴得非常腍同入味，份量夠，每片都大大片唔慳家！帝王炒飯嘅羊肉亦非常腍，用返印度米同薑黃炒，香氣撲鼻！烤豬脾仔簡直係大特賣，$48兩隻堂食仲要肉汁鎖得非常好，唔會成隻都好乾身，正！串燒沙爹雞同牛都非常到位，主要都係牛肉好夠腍，腌肉時應該落過一番心機。