Video
Read full review
2008-07-26
4 views
老婆生日,佢睇網站見到呢間餐廳既相幾得意,就順佢意book左黎試埋位之後先叫左杯Bellini黎飲,味道ok但唔算吸引,老婆個杯virgin bellini一樣咁既味但平一半....無咩心水,就由侍應小姐介紹左d菜式黎試,點完菜之後先黎麵包同埋一杯忌薕狀既甜品,味道不錯之後就黎頭盤,一個鵝肝帶子一個炸吞拿魚塊,上碟時兩份野都十分之精緻,真係好靚之不過食落口之後就另一回事,鵝肝帶子既味道我真係好少可食完會即時扁咀炸吞拿魚呢,點菜時問侍應整出黎會係點,侍應表示外熟內生,有d似魚生個隻生既程度不過上到黎嘛,我睇唔出有邊度係生,內裡已經熟左,外層直頭乾身之後到tomato water, 要一啖湯一啖tomato water咁飲先得, 比較得意既食法不過我唔係咁識欣賞,飲落去唔係我杯茶由於老婆中午食到好滯,接近食唔落晚飯,只係叫左一份乳鴿就算,不過呢份乳鴒真係喜出望外,應該係全晚最似樣既一個菜式,上菜時夠靚,口感味道更加正,嫩到不得了,配埋d汁一齊食真係岩晒吃埋隻鴿老婆已經飽到唔多想食野,結果生日蛋糕係打包拎走既,黑森林櫻桃蛋糕既味道同水準其實亦都好唔錯.成餐千三銀落樓,如果講食物質素我真係不敢
埋位之後先叫左杯Bellini黎飲,味道ok但唔算吸引,老婆個杯virgin bellini一樣咁既味但平一半....
無咩心水,就由侍應小姐介紹左d菜式黎試,點完菜之後先黎麵包同埋一杯忌薕狀既甜品,
味道不錯
之後就黎頭盤,一個鵝肝帶子一個炸吞拿魚塊,上碟時兩份野都十分之精緻,真係好靚
之不過食落口之後就另一回事,鵝肝帶子既味道我真係好少可食完會即時扁咀
炸吞拿魚呢,點菜時問侍應整出黎會係點,侍應表示外熟內生,有d似魚生個隻生既程度
不過上到黎嘛,我睇唔出有邊度係生,內裡已經熟左,外層直頭乾身
之後到tomato water, 要一啖湯一啖tomato water咁飲先得, 比較得意既食法
不過我唔係咁識欣賞,飲落去唔係我杯茶
由於老婆中午食到好滯,接近食唔落晚飯,只係叫左一份乳鴿就算,不過呢份乳鴒真係喜出望外,應該係全晚最似樣既一個菜式,上菜時夠靚,口感味道更加正,嫩到不得了,配埋d汁一齊食真係岩晒
吃埋隻鴿老婆已經飽到唔多想食野,結果生日蛋糕係打包拎走既,黑森林櫻桃蛋糕既味道同水準其實亦都好唔錯.
成餐千三銀落樓,如果講食物質素我真係不敢恭為.
但如果講服務,佢地真係一流,由入座個陣主動拎多張凳黎比我地擺野,幫手暗地裡執番張咭,主動介紹食物飲品,連我都爭d唔記得既生日蛋糕都幫我拎埋出黎整好晒比老婆,清理檯面十分企理又乾淨利落.
有一流既服務,但沒有一流的食物水準,我唔知究竟係食材問題,煮法問題定個人口味問題,可以有個別菜式做得咁好,但同時又有一部份做得咁麻麻
如果可以改善一下食物質素,我相信可以好好多
Post