富嘉閣 (Closed)

年初四同家人到富家閣飲茶，時不時有到餐廳食飯飲茶。一路食物水準都可以。佢地既價錢一直都係中上，但係佢既環境亦比起其他酒樓好啲，所以平時貴少少都會黎呢間食。之前佢啲點心同炒野都可以，唔知係咪新年關係，今日個炒飯偏鹹，個炒河就偏淡。碟腸粉個皮就過厚。叉燒包太多醬太甜。唯一個燒賣仲係保持水準。仲有原本啲火計啲質素同服務都好好。平日黎既態度都好既。會打招呼。今日都有，而且因爲新年都有俾利是相熟嗰幾個火計，但係櫈都未坐低就有成班唔識既火計係咁一窩蜂搶住要利是。嗰一刻俾佢地嚇到我唔識反應。唔明白點解經理可以俾啲員工亂黎。我相信我冇咩特別，唔會再黎呢間酒樓。呢個價錢可以有更多選擇。