焱手工涮涮鍋 (Closed)

真心推介呢間手工涮涮鍋！！！第一，服務超好。十點後入座八五折，我地九點半去到，阿姐攞份Menu過黎、我地十五十六諗緊叫唔叫住先，因為真心肚餓，但個阿姐問：「仲有廿五分鐘就十點喇喎，你地唔等埋啊？不如你地叫住份小食食住先啦」，咁我地就食左份鮑撈起手撕雞食住等，然後體貼既姐姐九點五十五分就主動過黎幫我地落單👍🏼.第二，食物種類繁多、質素好好。我地叫左焱選套餐，火焰清酒煮蜆係固定湯底之一，另外我地㨂左東方美人鍋（竹絲雞配桃膠）同埋青花麻辣鍋（其他湯底都好想試，唯有等下次），套餐包括多款海鮮：龍躉片，蟶子，海蝦，鱔片，鮑魚等等，頂級安格斯牛頸脊，日本松板黑豚肉，牛肝菌黑松露餃子，三層樓墨魚磚，即炸響鈴😍，樣樣都被我地秒殺，可想而知有幾好食原本諗住萬一食唔飽，要再散叫其他野，但係淨係食個套餐都OK飽，開開心心又一餐