Video
Read full review
2020-10-25
414 views
忍唔住要寫篇食評……應該係我心目中最最最差食店top 3已經幫襯過徐記好幾次，講左啲點心先，煎炸類幾出色，最中意個炸雲吞，雲吞皮超脆，啲餡都不錯有原隻蝦，咖哩土魷都幾抵食，有好多塊。而個金錢肚同尖椒就可以唔洗試了，金錢肚食落有陣怪味，尖椒勁油，而其他點心就正常發揮。 但如果你係想開開心心飲餐茶既，就真係去過第二間啦。今次真係食到一肚氣，以後無論點都唔會再幫襯填完第一輪點心紙，唔洗5分鐘就全部野一次過黎晒，因為見都多客，所以我地都密密食廢事阻住佢地做生意。差不多食完第一輪 (講緊只係15分鐘左右)，就落第二輪點心啦。問題黎啦，到底老闆娘expect啲客要食幾快架呢? 第一輪差不多食完就開始催我地，好啦我當你唔知我地有叫第二輪，所以開頭都無咩野。第二輪照舊都係好快上晒，我地繼續密密食，密既程度係計都唔多點傾，但係老闆娘都可以5分鐘埋黎一次，唔係收野走就問你食完未。一次無野，兩次無野，大佬食左半粒鐘你催4，5次，同枱家人都忍唔住黑晒面。到最後有個排骨飯未食完，佢前後埋左黎兩次想收走，個度講緊3分鐘都無，同步已經開始執走啲碗筷同抺枱，點有胃口食呀? 最離譜係聽到老闆娘同啲員工指桑罵槐覺得我地霸
已經幫襯過徐記好幾次，講左啲點心先，煎炸類幾出色，最中意個炸雲吞，雲吞皮超脆，啲餡都不錯有原隻蝦，咖哩土魷都幾抵食，有好多塊。而個金錢肚同尖椒就可以唔洗試了，金錢肚食落有陣怪味，尖椒勁油，而其他點心就正常發揮。
但如果你係想開開心心飲餐茶既，就真係去過第二間啦。
今次真係食到一肚氣，以後無論點都唔會再幫襯
填完第一輪點心紙，唔洗5分鐘就全部野一次過黎晒，因為見都多客，所以我地都密密食廢事阻住佢地做生意。
差不多食完第一輪 (講緊只係15分鐘左右)，就落第二輪點心啦。
問題黎啦，到底老闆娘expect啲客要食幾快架呢? 第一輪差不多食完就開始催我地，好啦我當你唔知我地有叫第二輪，所以開頭都無咩野。第二輪照舊都係好快上晒，我地繼續密密食，密既程度係計都唔多點傾，但係老闆娘都可以5分鐘埋黎一次，唔係收野走就問你食完未。一次無野，兩次無野，大佬食左半粒鐘你催4，5次，同枱家人都忍唔住黑晒面。到最後有個排骨飯未食完，佢前後埋左黎兩次想收走，個度講緊3分鐘都無，同步已經開始執走啲碗筷同抺枱，點有胃口食呀? 最離譜係聽到老闆娘同啲員工指桑罵槐覺得我地霸住佢張枱！由坐低到走都係~45分鐘，點心我地係叫正常分量，唔係叫一兩籠係度磨爛蓆個啲，要飲茶飲到咁急，仲要受你氣?? 我諗黎飲得茶既唔會預15分鐘開始俾人催掛，茶餐廳都不如。
無生意個時就識告急，有生意人多就想趕客走，雖然黃既點心係無咩選擇，但做到咁既黃店就算佢點樣告急我都唔會再食，寧願用筆錢幫襯其他有需要既小店 (反正老闆娘都唔稀罕)。同埋，黃店唔係大晒囉。
Post
