紅螞蟻 (Closed)

今日番完通宵，諗住一個人靜靜地嘆個早餐，所以去咗紅螞蟻，貪佢冇茶餐廳咁噪！點知超不愉快！入到去已經冇人招呼，都算喇！自行搵個位坐底，想叫嘢食，啲侍應全情投入傾計！叫佢哋都聽唔到！良久先有人應（女性，身型略胖，戴白色膠架眼鏡，長直髮），佢重覆一次我個order, 係錯嘅！明顯發緊夢！落完order之後我同佢講"張chair濕咗，可唔可以幫我抹一抹＂，呢位高貴的小姐應都冇應就行咗去！其後，黑口黑面攞咗"一"大張紙巾過嚟,輕輕掃咗＂一＂大吓咁大把就行咗去！相信我嘅要求都唔係好過份啫！食個早餐都要咁受氣！原本諗住埋單時投訴佢，不過我都費事動氣免得影響心情！請到呢啲不知所謂嘅侍應真係幾生修到！祝呢間鋪生意興隆，自求多福！