11
26
16
Level2
8
0
服務超級差
2012-06-02 32 views
依間野不嬲都出咗名服務差，如果唔係價錢平少少，都唔去食。今日去到，坐低食嘢，見到換咗D服務員，又無咁多呼呼喝喝聲，以為佢地已經收斂咗。點知都係死性不改，罵人成性，直頭當客人無到!!!今日唔係咁想食飯,咪叫左碗手撕雞米線。份量不過不失，半碗米線，加ok多雞絲，廿幾蚊都算味道唔錯。食物黎左，無餐具，問服務員拎，語氣比前幾個月收斂。個陣我仲同班朋友講，下次再黎食都得窩。點知最後埋單就出事！我地知繁忙時間，咪走去收銀埋單。由於無碎紙，我地逐個俾錢。估唔到收銀個阿伯，見到我地逐個俾，就鬧仲咩唔自己預備定碎紙，鬧我地阻住佢做生意。跟住就鬧話一人仲咩食廿幾蚊野咁少，咩態度！ 佢跟住死死地氣收錢，又計極都計唔到26+30係幾多...... 望到後面有人排隊俾錢，又大大聲鬧:“都係你地，又唔預備碎紙，搞到後面要排隊等你。無碎紙就同人兌左先出黎埋單，都唔知你有無讀過書。” 聽完依句，佛都有火。不過礙於以大局為重，費事同佢嘈，無謂搞到後面d人等再耐d。但係就食到成肚氣！今時今日d服務態度真係差…
Read full review
依間野不嬲都出咗名服務差，如果唔係價錢平少少，都唔去食。今日去到，坐低食嘢，見到換咗D服務員，又無咁多呼呼喝喝聲，以為佢地已經收斂咗。點知都係死性不改，罵人成性，直頭當客人無到!!!


今日唔係咁想食飯,咪叫左碗手撕雞米線。份量不過不失，半碗米線，加ok多雞絲，廿幾蚊都算味道唔錯。食物黎左，無餐具，問服務員拎，語氣比前幾個月收斂。個陣我仲同班朋友講，下次再黎食都得窩。

點知最後埋單就出事！我地知繁忙時間，咪走去收銀埋單。由於無碎紙，我地逐個俾錢。估唔到收銀個阿伯，見到我地逐個俾，就鬧仲咩唔自己預備定碎紙，鬧我地阻住佢做生意
。跟住就鬧話一人仲咩食廿幾蚊野咁少，咩態度
！ 佢跟住死死地氣收錢，又計極都計唔到26+30係幾多...... 望到後面有人排隊俾錢，又大大聲鬧:“都係你地，又唔預備碎紙，搞到後面要排隊等你。無碎紙就同人兌左先出黎埋單，都唔知你有無讀過書。” 聽完依句，佛都有火
。不過礙於以大局為重，費事同佢嘈，無謂搞到後面d人等再耐d。但係就食到成肚氣！今時今日d服務態度真係差…
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Date of Visit
    2012-05-30
    Dining Method
    Dine In
    Spending Per Head
    $30 (Lunch)
    Recommended Dishes
    • 多款餐飲