早安越南 (Closed)

上星期六晚同bb同工人姐姐再去幫襯呢間越南餐廳，但估唔到而家d服務差左咁多，短期內唔會再去幫襯。嗰日我地2大1細，佢安排我地同人搭位，坐一張6人半sofa卡位。對方又係3人，人地一早坐左2人係sofa，我已經表明唔想搭枱，因為同bb一齊比較難控制，但個帶位嗰個女人用極衰的語氣話唔搭就俾唔到位我哋，咁惟有照坐。工人同bb迫埋係本應一個人坐的sofa位，我坐對面，咁仲有一個位係我同陌生人中間，咁我用左張椅用黎放野，點知之後仲要俾位waitress拎走張椅，叫我將袋放番係本應3人座但已坐左4位的sofa嗰邊，然後夾硬拎走張椅，十級奇怪叫左生牛肉湯河，牛油雞翼，越南炒飯同椰清，因為工人姐姐唔食豬肉，問過個越南炒飯係咪冇豬肉，個落單waiter話冇，係海鮮炒飯，上到黎見到一堆扎肉，好明顯係豬肉黎,有冇攪錯，完全唔尊重人地的文化同信仰。而且所有我order的食物都去左隔離枱，唔係搭枱的隔離，係隔左條河的隔離枱，如果間公司係唔識搭枱機制而落錯單咁一開始就唔好攪搭枱。食完埋單289,簽卡竟然同我講要過300蚊先俾簽，我真係冇預到，雖然個女人最後都俾我簽卡但嗰刻好似乞米咁，唔ok law