Video
Read full review
2011-09-13
67 views
今日係中秋節, 當然要罷煮出街食啦. 諗住喺屋企附近食, 記起蝴蝶商場間雲貴軒淨係試過早餐, 未幫襯過晚市, 就諗住去試下啦. 慣例去OPENRICE望下呢間食店有咩推介, 睇完發現有幾個人都話呢度啲店員服務差, 態度唔好. 但實在諗唔到去邊度食, 就孤注一擲去試下. 去到19:05, 等了五分鐘就有位. 入到去張枱未抺乾淨, 店員都提我哋小心污糟, 再即時抺乾淨. 到叫嘢食時一舉手已有店員招呼, 上菜都算快. 到嘢食到齊, 由於要分比百厭仔食, 就再舉手叫店員比隻碗仔, 同樣好快已有店員回應. 我哋叫咗兩個小鍋米線套餐, 一個餸$30.00, 每加一個餸+$5.00牛展 轉紅薯粉+$2.00 (豬骨湯, 走青走酸菜)--湯底唔錯唔太鹹, 紅薯粉煙韌, 牛展有淡淡鹵水味又夠”林” , 正!豬軟骨米線加豬耳+$5.00 (豬骨湯)-- 米線唔碎, 份量又多. 豬軟骨夠”林”夠入味, 豬耳爽口, 好味!燒豬頸肉 $20.00--切成一條條上碟, 碟面大條果啲幾好味, 但有啲切得細條嘅就比較乾. 老公話可能係”返叮”喎.一杯凍檸茶+$2.00, 一杯熱菜蜜--OK啦食飽飽就出去櫃位埋單,
去到19:05, 等了五分鐘就有位. 入到去張枱未抺乾淨, 店員都提我哋小心污糟, 再即時抺乾淨. 到叫嘢食時一舉手已有店員招呼, 上菜都算快. 到嘢食到齊, 由於要分比百厭仔食, 就再舉手叫店員比隻碗仔, 同樣好快已有店員回應.
我哋叫咗兩個小鍋米線套餐, 一個餸$30.00, 每加一個餸+$5.00
牛展 轉紅薯粉+$2.00 (豬骨湯, 走青走酸菜)--湯底唔錯唔太鹹, 紅薯粉煙韌, 牛展有淡淡鹵水味又夠”林” , 正!
豬軟骨米線加豬耳+$5.00 (豬骨湯)-- 米線唔碎, 份量又多. 豬軟骨夠”林”夠入味, 豬耳爽口, 好味!
燒豬頸肉 $20.00--切成一條條上碟, 碟面大條果啲幾好味, 但有啲切得細條嘅就比較乾. 老公話可能係”返叮”喎.
一杯凍檸茶+$2.00, 一杯熱菜蜜--OK啦
食飽飽就出去櫃位埋單, 老公抱起百厭仔, 吩咐佢將錢同埋張單遞比姨姨, 點知佢就將手頭全部嘢”飛”晒入櫃位, 店員不但無黑面, 仲笑笑口話唔緊要, 多謝晒.總括嚟講食物質素唔錯, 店員態度亦唔係之前啲人講嘅咁差啫, 個人認為服務方面係可以平反嘅. 值得ENCORE.
Post
