Video
Read full review
2016-05-06
293 views
其實都只係貪就腳，喺日式餐廳眾多的灣仔隨機選了這家拉麵店就中伏了。 銅兵衛 ($88)豚骨湯加醬油湯底，可以係完全冇豚骨味。而且面頭的湯是涼的！只有比室溫高一點的暖度，足以令整個拉麵大打折扣。湯底都算濃郁，小小油膩感，但就是沒什麼味道。拉麵選了偏軟身的，不過不失，口感普通。叉燒味道就不錯，是肥膩了點。 整個拉麵的重點要數這隻流心蛋了，質感非常嫩滑，裡面的流心蛋黃好香好濃好好味！蛋白部分也算滷得入味。而唯一美中不足的是不夠熱，應該說是凍的，湯底也不夠熱，沒辦法把蛋浸熱⋯ 白味噌燒原隻生蠔 ($58)賣相非常吸引，看到燒得很平均，香氣撲鼻。生蠔上舖滿了白味噌醬，有點似蛋黃醬。一放入口，鹹到跳起⋯ 味道係ok 但真係鹹到呢⋯食一隻已經到達終點。另外呢間餐廳嘅服務態度，真係令我嘆為觀止。我地7點左右去到，餐廳好疏落，得兩三枱食客，都要叫兩次吾該先有人黎落單，態度吾係好，又冇禮貌。我地食到尾聲，佢地就突然係咁加水，又企正正係我地張枱隔離吾夠一米嘅地方，面向我地好似想聽住我地講野咁。我問朋友係咪因為我地左住人地收舖，但當時只係8點半，而餐廳就只淨返我地一枱客，真
銅兵衛 ($88)
豚骨湯加醬油湯底，可以係完全冇豚骨味。而且面頭的湯是涼的！只有比室溫高一點的暖度，足以令整個拉麵大打折扣。湯底都算濃郁，小小油膩感，但就是沒什麼味道。拉麵選了偏軟身的，不過不失，口感普通。叉燒味道就不錯，是肥膩了點。
整個拉麵的重點要數這隻流心蛋了，質感非常嫩滑，裡面的流心蛋黃好香好濃好好味！蛋白部分也算滷得入味。而唯一美中不足的是不夠熱，應該說是凍的，湯底也不夠熱，沒辦法把蛋浸熱⋯
白味噌燒原隻生蠔 ($58)
賣相非常吸引，看到燒得很平均，香氣撲鼻。生蠔上舖滿了白味噌醬，有點似蛋黃醬。一放入口，鹹到跳起⋯ 味道係ok 但真係鹹到呢⋯食一隻已經到達終點。
另外呢間餐廳嘅服務態度，真係令我嘆為觀止。我地7點左右去到，餐廳好疏落，得兩三枱食客，都要叫兩次吾該先有人黎落單，態度吾係好，又冇禮貌。我地食到尾聲，佢地就突然係咁加水，又企正正係我地張枱隔離吾夠一米嘅地方，面向我地好似想聽住我地講野咁。我問朋友係咪因為我地左住人地收舖，但當時只係8點半，而餐廳就只淨返我地一枱客，真係超級吾知想點咁。最後埋單走人，個兩個侍應好雀躍咁自己傾計，我朋友好有禮貌同佢地講拜拜，佢地態度勁冷淡咁應左句拜就算，真係好正，吾知係我地做侍應定佢地做。開餐廳開到咁等摺mode真係世間少有。
Post
