吹水館 (Closed)

呢度其實裝修唔錯，不過就幾迫。年初三個晚同D 同事去食晚飯。大部份人都叫了西冷扒。我就叫了海鮮拼盤。先講西冷扒，雖然我無食，但一睇就知份量唔夠啦。其次D同事都無話好好食。我的海鮮拼盤，味道一般，尚算新鮮，如果唔係就即刻同個老闆死過。仲次一句，想食美味西餐，千萬別到呢度。因為D服務都唔好。我地唔想飲酒，所以唔叫，個老闆就黑晒口面。D侍應仲差，係迫的環境下，送食物上檯，應該提醒客人小心，好可惜，D侍應係無禮貌叫我‘借過’。有無離譜D呀。結果8個人埋單$1900。每人平均二百幾蚊食D無服務，無味道的野。真係無下次。