Sueno (Closed)

雖然office 响附近，但由於價格唔算便宜，所以每次光顧，都係三五好友相聚，至感覺良好！😅😅上次冇得坐 Sofa 小空間，估唔到今次星期五即日訂位食 lunch 竟然可以有呢個位置 😮😮。一個可以講嘢大聲啲唔會騷擾其他人，又可細細聲講秘密、講八啩嘢 🤭🤭 嘅好位置，今次美中不足係冷氣壞嘢，要舉手話熱，仲要佢 set 埋風扇，至話我哋知係壞壞地，咁應該一早話我哋知，等我哋有心理準備嘛 🤨🤨。呢樣希望下次再到訪會有所改善。至於今次都係食 set lunch，主菜分別叫咗香煎比目魚配檸檬椰子忌廉汁、美國豬仔骨配柚子蜜醬、香烤秘魯雞。魚同雞還可以，豬仔骨𠱸夠 Juicy，肉質未夠嫩滑腍。其實上次豬都係未夠腍滑，今次都未有太大改善。總括三款主菜其實仍有進步空間 💪🏼💪🏼。不過今次餐湯係南瓜濃湯，幾好味，好香南瓜味之餘，仲有少少蕃茄酸酸地，好醒胃 👍🏽👍🏽！其實這間餐廳負責任何位置嘅員工都有熱誠，如食物質素有改善的話，值得支持嘅食肆 👍🏽👍🏽 。努力加油 💪🏼💪🏼！