Brooklyn (Closed)

今日父親節中午一家大細去食飯，甘諗住西餐少d 人食就去左拿位，拿票時說兩張台就到諗住實無死，點知就係一肚氣開始。拿完票去行左半個鐘先翻去等位，等等下覺得好奇怪，明明一堆空位，帶位個位小姐死唔安排，係甘話忙，係甘叫人拿票先，中間還有大量位置係已經收好台，甘我本身個group 人比較多，都唯有等。等到佢突然有心情派位(約拿票一個小時後)，先派兩人，再派四人台，一連安排左幾十個人入去，佢就將d 可以重組既台都派比人少既party, 然後由得d 四人台丟空。當我諮詢佢點解唔將四人party 放四人台，佢就一臉不耐煩話忙。明明幾十個空位，執好台，佢心情唔耐煩就一個字忙，hea 曬客人，要佢地(包括我)係門口白等。其他服務員其實態度好好，上菜亦快，建議Brooklyn 增加對帶位操作的相關培訓，父親節一堆人一家大細係門口等就因為員工對工作不妥善安排真係非常不負責任！