撈得喜火鍋冰室

Open Now

Now Closed

最近天氣凍咗，屋企人就話一齊去打邊爐。我哋就去咗朗屏一間任食火鍋，去到餐廳都差唔多滿座。火鍋有超多款湯底揀，啱晒唔同口味嘅人。餐廳有兩個大雪櫃，放滿唔同火鍋配料，任食任拎。今次我哋就揀咗椰子雞湯底，湯底好鮮甜，最岩食炸魚皮同響鈴，吸晒椰子雞湯，真係超級清甜。雞件都非常新鮮，肉質嫩滑。唔夠食嘅話，仲可以喺雪櫃拎多啲。雪櫃仲有蜆同蝦可以任拎，湯底落咗蜆同蝦之後就更加鮮味。鮮牛肉牛味濃郁，而且都好新鮮。除咗雞同牛，雪櫃仲有豬肉片拎添！蔬菜方面有唔少蔬果，例如有椰菜花、油麥菜同生菜等等任君選擇。飲品方面，唔單止有罐裝同紙包飲品，仲有佢哋自家製嘅水果茶！水果茶唔會太甜，味道酸酸甜甜都幾好飲。最後點少得食雪糕作為飯後甜品，雪糕都有幾款味道任揀，今次我食咗抹茶味！