THE PONT

Open Now

Now Closed

想教班前搵間靚餐廳食lunch，揀左位於朗豪坊嘅The Pont ，估唔到呢間位於鬧市嘅後花園，食物水準都唔錯。主食叫咗香辣蕃茄意式肉腸長通炒同煙三文魚牛油果牛角窩夫，長通炒同肉腸等配料份量好足，每啖都有好多芝士碎，長通粉亦夠彈牙，煙三文魚同牛油果都新鮮，調味相對較濃，可惜牛角窩夫略為稔身唔夠鬆化。飲品係一上枱就好香嘅Baileys coffee同幸福花園，即士多啤梨杏仁乳酪沙冰，粉紅色士多啤梨沙冰配奇異果片，味道唔會太甜，顏色非常夢幻。特登留肚食甜品，因為甜品就幫呢餐加到好多分喇♡係我最鍾意嘅超creamy Tiramisu！表層Tiramisu 細滑香甜，底層係脆脆麵包粒同杏仁片，撈埋一齊食可以享受到另一種口感，外型仲係好適合打卡嘅可愛小盆栽🌱用Openrice網上訂Tea time有75折，所以好抵食。